Դպրոցի պատմությունը
Տավուշի մարզի Բերդ քաղաքի 4-րդ դպրոցը հիմնադրվել է 1993թվականին` հայ-ադրբեջանական ընդհարումների ժամանակ/ունեցել է 12 դասարան` 212 աշակերտով/:1996թվականին տվել է իր առաջին շրջանավարտները:
Այսօր դպրոցում սովորում է 120 աշակերտ, մանկավարժների թիվը 20 է:
Դպրոցի հիմնադիր տնօրեն Ալբերտ Պապյանը /նա 2001թվ. պարգևատրվել է <<Մովսես Խորենացի>> մեդալով/ ստեղծել է աշխատանքային ամուր,կուռ թիմ, որն ամեն ինչ անում է նոր սերնդի կրթության և դաստիարակության,նրանց լիարժեք զարգացման համար:
Դպրոցում գործում է աշակերտական խորհուրդ,որի անդամները ակտիվ մասնակցություն են ունենում դպրոցի արտադասարանային և արտադպրոցական աշխատանքների կազմակերպման գործում, հաճախ են հանդես գալիս սեփական նախաձեռնություններով:
Դպրոցի տարրական օղակի աշակերտների համար գործում է <<Զանգակներ>> մանկական կազմակերպությունը:
Դպրոցն ունի կառավարման խորհուրդ,որն օգնում և աջակցում է դպրոցի ուսումնադաստիարակչական և կրթական ամենատարբեր աշխատանքների համակարգման գործում:
Դպրոցն ունի լավ կահավորված համակարգչային կաբինետ, ուր սովորողները իրազեկվում են ժամանակակից տեղեկատվական և հաղորդակցական տեխնոլոգիաների նվաճումներին:
Դպրոցում գործում է Համայնքային գործողությունների զարգացման ծրագիրը:
2003թ-ին մեծ հանդիսավորությամբ նշվեց դպրոցի հիմնադրման 10-ամյակը: Դպրոցի 5 ուսուցիչներ պարգևատրվեցին ՀՀ ԿԳՆ-ի պատվոգրերով, մի քանիսն էլ արժանացան Տավուշի մարզպետի պատվոգրերին:
Դպրոցի աշակերտները ակտիվորեն են մասնակցում մարզային և հանրապետական օլիմպիադաներին:Նրանցից շատերը սովորում են հանրապետության տարբեր բուհերում:
2007թ-ին դպրոցը պարգևատրվել է ՀՀ ԿԳՆ լեզվի պետական տեսչության պատվոգրերով` մայրենիի պահպանման, տարածման և զարգացման գործում ունեցած մեծ ավանդի համար:
2005թ-ից դպրոցն ստանձնել է Բերդի տարածաշրջանում կրթական բարեփոխումներ իրականցնողի դեր` դառնալով դպրոց-կենտրոն:2006թ-ից անց են կացվել ուսուցիչների վերապատրաստման դասընթացներ <<Կրթության որակ և համապատասխանություն>> ծրագրի շրջանակներում, որին մասնակցել են տարածաշրջանի 22 հանրակրթական դպրոցների ավելի քան 400 ուսուցիչներ ուսումնական բոլոր առարկաների գծով:
Դպրոցում փորձարկվում են նաև նոր առարկայական և այլընտրանքային դասագրքեր, որոնք համապատասխանեցված են միջնակարգ կրթության բովանդակային նոր բաղադրիչներին:
Դպրոցը կատարում է նաև ուսումնամեթոդական աշխատանքները համակարգողի գործառույթ, որն այսօր շատ կարևոր է, քանզի նոր կրթակարգը թելադրում է նոր չափանիշներ, նոր մոտեցումներ, որում կարևորվում է գիտելիքների համակարգի, սովորողների կարողությունների և հմտությունների, արժեքային համակարգի շաղկապումը:
Դպրոցում աշխատում են բանիմաց, իրենց գործին նվիրված, հմուտ ուսուցիչներ, որոնք արդյունավետ և ստեղծագործական աշխատանքով, նորովի ընկալմամբ կարողանում են ապահովել հանրակրթական նոր չափանիշների կատարումը:Անցնում են տարիները, կանաչ է հագնում տոհմածառը, ընձյուղվում են սերունդները:
Դպրոցում կազմակերպվում են բազմաբովանդակ միջոցառումներ, ցերեկույթներ. լավ հիմքերի վրա է դրված հայրենագիտական դաստիարակությունը:Ավանդական են դարձել <<Երդում մայրենիին>>, <<Ձեզ տեսնենք, աղջիկներ>>, ռազմահայրենասիրական և այլ բնույթի միջոցառումները, առարկայական շաբաթները, շաբաթօրյակները, հայրենագիտական արշավները, էքսկուրսիաները, կլոր սեղանները, բանավեճերը:
2008թ-ին դպրոցի հայ ասպետների թիմը մասնակցել է <<Հայ ասպետ>> հեռուստամրցույթին` արժանանալով բրոնզե պարգևների:
Չնայած գործունեության կարճ ժամանակահատվածին` Բերդի 4-րդ դպրոցը ամուր, հաստատուն քայլերով գնում է առաջ` իր առջև ունենալով մի մեծ նպատակ` բարու, ազնվության հունդեր ցանել մատաղ սերնդի հոգիներում, սփռել գիտության լույսը հազարամյակի նոր սերունդների երթի ճանապարհին:
Տավուշի մարզի Բերդ քաղաքի 4-րդ դպրոցը հիմնադրվել է 1993թվականին` հայ-ադրբեջանական ընդհարումների ժամանակ/ունեցել է 12 դասարան` 212 աշակերտով/:1996թվականին տվել է իր առաջին շրջանավարտները:
Այսօր դպրոցում սովորում է 120 աշակերտ, մանկավարժների թիվը 20 է:
Դպրոցի հիմնադիր տնօրեն Ալբերտ Պապյանը /նա 2001թվ. պարգևատրվել է <<Մովսես Խորենացի>> մեդալով/ ստեղծել է աշխատանքային ամուր,կուռ թիմ, որն ամեն ինչ անում է նոր սերնդի կրթության և դաստիարակության,նրանց լիարժեք զարգացման համար:
Դպրոցում գործում է աշակերտական խորհուրդ,որի անդամները ակտիվ մասնակցություն են ունենում դպրոցի արտադասարանային և արտադպրոցական աշխատանքների կազմակերպման գործում, հաճախ են հանդես գալիս սեփական նախաձեռնություններով:
Դպրոցի տարրական օղակի աշակերտների համար գործում է <<Զանգակներ>> մանկական կազմակերպությունը:
Դպրոցն ունի կառավարման խորհուրդ,որն օգնում և աջակցում է դպրոցի ուսումնադաստիարակչական և կրթական ամենատարբեր աշխատանքների համակարգման գործում:
Դպրոցն ունի լավ կահավորված համակարգչային կաբինետ, ուր սովորողները իրազեկվում են ժամանակակից տեղեկատվական և հաղորդակցական տեխնոլոգիաների նվաճումներին:
Դպրոցում գործում է Համայնքային գործողությունների զարգացման ծրագիրը:
2003թ-ին մեծ հանդիսավորությամբ նշվեց դպրոցի հիմնադրման 10-ամյակը: Դպրոցի 5 ուսուցիչներ պարգևատրվեցին ՀՀ ԿԳՆ-ի պատվոգրերով, մի քանիսն էլ արժանացան Տավուշի մարզպետի պատվոգրերին:
Դպրոցի աշակերտները ակտիվորեն են մասնակցում մարզային և հանրապետական օլիմպիադաներին:Նրանցից շատերը սովորում են հանրապետության տարբեր բուհերում:
2007թ-ին դպրոցը պարգևատրվել է ՀՀ ԿԳՆ լեզվի պետական տեսչության պատվոգրերով` մայրենիի պահպանման, տարածման և զարգացման գործում ունեցած մեծ ավանդի համար:
2005թ-ից դպրոցն ստանձնել է Բերդի տարածաշրջանում կրթական բարեփոխումներ իրականցնողի դեր` դառնալով դպրոց-կենտրոն:2006թ-ից անց են կացվել ուսուցիչների վերապատրաստման դասընթացներ <<Կրթության որակ և համապատասխանություն>> ծրագրի շրջանակներում, որին մասնակցել են տարածաշրջանի 22 հանրակրթական դպրոցների ավելի քան 400 ուսուցիչներ ուսումնական բոլոր առարկաների գծով:
Դպրոցում փորձարկվում են նաև նոր առարկայական և այլընտրանքային դասագրքեր, որոնք համապատասխանեցված են միջնակարգ կրթության բովանդակային նոր բաղադրիչներին:
Դպրոցը կատարում է նաև ուսումնամեթոդական աշխատանքները համակարգողի գործառույթ, որն այսօր շատ կարևոր է, քանզի նոր կրթակարգը թելադրում է նոր չափանիշներ, նոր մոտեցումներ, որում կարևորվում է գիտելիքների համակարգի, սովորողների կարողությունների և հմտությունների, արժեքային համակարգի շաղկապումը:
Դպրոցում աշխատում են բանիմաց, իրենց գործին նվիրված, հմուտ ուսուցիչներ, որոնք արդյունավետ և ստեղծագործական աշխատանքով, նորովի ընկալմամբ կարողանում են ապահովել հանրակրթական նոր չափանիշների կատարումը:Անցնում են տարիները, կանաչ է հագնում տոհմածառը, ընձյուղվում են սերունդները:
Դպրոցում կազմակերպվում են բազմաբովանդակ միջոցառումներ, ցերեկույթներ. լավ հիմքերի վրա է դրված հայրենագիտական դաստիարակությունը:Ավանդական են դարձել <<Երդում մայրենիին>>, <<Ձեզ տեսնենք, աղջիկներ>>, ռազմահայրենասիրական և այլ բնույթի միջոցառումները, առարկայական շաբաթները, շաբաթօրյակները, հայրենագիտական արշավները, էքսկուրսիաները, կլոր սեղանները, բանավեճերը:
2008թ-ին դպրոցի հայ ասպետների թիմը մասնակցել է <<Հայ ասպետ>> հեռուստամրցույթին` արժանանալով բրոնզե պարգևների:
Չնայած գործունեության կարճ ժամանակահատվածին` Բերդի 4-րդ դպրոցը ամուր, հաստատուն քայլերով գնում է առաջ` իր առջև ունենալով մի մեծ նպատակ` բարու, ազնվության հունդեր ցանել մատաղ սերնդի հոգիներում, սփռել գիտության լույսը հազարամյակի նոր սերունդների երթի ճանապարհին: